Festetako azken eguna ari dira ospatzen Belauntzan, eta hainbat ekintzaz gozatzeko aukera izan dute egun guztian zehar; tartean, zirku tailerra, toka eta bolo txapelketa izan dituzte.
Poliki-poliki joan dira herritarrak bolatokira gerturatzen, eta toka nahiz boloetan aritu dira. Hain zuzen, punteria doitzen ibili dira, ondoren zetorrenari aurre egiteko. Bazkalostean, gainera, zirko tailerra izan dute pilotalekuan.
Behin txapelketak amaituta, asto ibilaldia egiteko aukera izan da gazteentzat, eta ondoren, Frontona ikuskizuna izan da, Andoni Egaña bertsolariarekin. Saiheski jatea eta sagardo dastaketarekin agurtuko dituzte aurtengo festak, Joselu Anaiak taldeak alaiturik.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!