Hiru aukera ziren Belauntzan udal hauteskundeei begira: Denok Bat, Belauntza Herritarrak eta PSE-EE. Aurten, estreinakoz, zinegotziak zerrenda irekien bidez aukeratu dira, hau da, pertsonei eman zaie botoa, alderdiei eman beharrean. Horrela, Denok Batek lau zinegotzi eskuratu ditu eta bat izango du Belauntza Herritarrak taldeak. Beraz, Silvia Moneok jarraituko du alkatetzan, 82 boto eskuratuta. PSE-EE zinegotzirik gabe geratu da, 3 botorekin.
Guztira, 147 lagunek bozkatu dute, azken hauteskundeetan baino %5,47 gutxiagok.
Lau zinegotzi eskuratu ditu Denok Batek, eta beste zinegotzia Belauntzako Herritarrek lortu dute
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!