Azken urteetako usadioari jarraituz, Gabon egunen inguruan kultur astea ospatuko dute Belauntzan. Horretarako bihar hasi eta abenduaren 24ra bitarte ekimen ezberdinak antolatu dituzte.
Gabonetan ohikoak izaten diren deialdiak ere txertatu dituzte euren astean, tartean herrian kantuan aritzea, eta deialdi berezia egin nahi izan diete adin guztietako herritar guztiei abenduaren 23an egingo den entseguan eta egunean bertan parte hartzeko.
Kultur astea
BIHAR, ABENDUAK 19
19:30. Urdaiazpiko mozketa, pintxo potea eta gaztaina erreak.
20:30. Musika emanaldia (gitarra, biolina, etab.), Herriko Tabernan.
ETZI, ABENDUAK 20
12:00etatik aurrera. Herrikoen argazki erakusketa, kultur etxean.
ABENDUAK 22, ASTEARTEA
18:30. Jakoba Errekondoren Bizi baratzea liburuaren aurkezpena eta hitzaldia, kultur etxean.
ABENDUAK 23, ASTEAZKENA
11:00. Entsegua kultur etxean, ludotekan, hurrengo egunean kantuan ateratzeko.
ABENDUAK 24, OSTEGUNA
15:00. Herriko Taberna inguruan biltzea kantuan ateratzeko.
18:00. Olentzeroren etorrera izango da, opari eta guzti, taberna inguruan.
Ondoren. Askaria, bertaratzen diren guztientzat.