Urteroko ohiturari jarraituz, erretirodunen eguna ospatuko dute igandean Belauntzan. Ospakizuna igandean izango da eta egun osoko egitaraua prestatu dute. 12:30ean meza izango da San Juan elizan guztientzat. Ondoren dantzariak eta toka txapelketa izango dituzte gerturatzen direnek, eta azkenik herriko ostatuan bazkari bat egingo dute denek elkarrekin. Gainera, bazkal ondorena girotzeko bertsolariak eta soinu jolea ere izango dira.
Gauzak horrela, udaletik gonbita luzatu die herritarrei "elkarrekin egun polit bat pasatzeko". Eta bertara joatera animatzen direnek izena eman beharko dute, bihar, hilak 19, baino lehen.