Markel Olano, Gipuzkoako Aldun Nagusia izateko EAJko hautagaiarekin izan da Bittor Oroz, Nekazaritza eta Arrantza kontseilariordea, Belauntzan. EAJk azaldu duenez herrian "bizi duten egunerokotasuna, eta etorkizunera begira dituzten proiektuak" ezagutu dituzte bertan.
Bisita Muñagorri galdarategian hasi eta jarraian Sutargira, adimen urritasuna duten pertsonak lana egiten duten enpresara joan dira. EAJ-k azaldu duenez Sutargiri "babes osoa" adierazi diote egiten duten lanagatik: "lantegi honen helburu nagusia, enpresekin eta izaera publiko zein pribatuko erakundeekin hitzartutako zerbitzu emate eta lan egitearen bitartez, minusbaliotasun-ziurtagiria duten adimen urritasun arinez eta adimen limitez diagnostikatutako pertsona taldearen lan itxaropenei erantzuna ematea da".