Operazioa 13:30etan hasi zuen poliziak, eta 16:30ak arte iraun zuen, gazteak etxean babestu baitziren, Ertzaintzaren esanetan. "Esku hartze taldeak joan behar izan zuen, eta azkenean lortu zuten etxera sartzea. Ez zen zauriturik egon".
Gaur arratsaldean ertzainak berriro ere Belauntzara joan dira, oraingoan epailearekin. Ertzaintzaren prentsa zerbitzutik azaldu dutenez, ikerketak aurrera jarraitzen du, eta oraindik ez dakite zenbat kalamu zegoen Belauntzan: "Lau negutegitan aurkitu ditugu landareak, eta horrez gain, kalamua hazteko beharrezko material guztia".