Baliarraingo Ama Birjin jaiei amaiera emateko mozorro eguna dute gaurkoa. Kirola izan da aurtengo gai nagusia, eta izerdi tantak botaz hasi dute eguna. Maratoiarekin abiatu dira lehenik, eta herriko haurrak izan dira parte hartzen lehenak. 0 eta 7 urte bitarteko txikiek herriguneari buelta bat eman behar izan diote, eta ondoren, 8 eta 14 urte bitartekoen txanda izan da. Hauek, ordea, herrigunean bi buelta eman behar izan dituzte, eta helduek berriz, hiru buelta.
Maratoiaren ostean, toka txapelketa egin dute. Hontan ere parte hartzen lehenak 0 eta 4 urte bitarteko haurrak izan dira, eta punteria bikainarekin aritu dira tokan. 5 eta 14 urte bitartekoen txanda izan da ondoren, eta helduak izan dira tokan parte hartzen azkenak. Juantxo Zubeldiaren omenez egin dituzte ekintzak. Eguraldia lagun izan dute goiz osoan zehar, eta giro ederra sortu da Baliarraingo plazan.
Gauera arte festak ez du etenik izango. Ikusi egitarau guztia hemen.
