Baliarraingo Udalak eskatuta margotu da 1915. urteko herriko argazkia pilotalekuaren atzealdeko paretetako batean. Iazko urte amaieran herrian eginiko parte hartze prozesuan ateratako eskariari tiraka hartu du gorputza muralak, egun gutxitan. Atzo amaitu zuten.
Aitor eta Nextor Otaño aita-semeek dira, Nexgraff sinaduraren atzean daudenak. Asteburuan hasi zuten lana, eta egun gutxitan amaitu dute. Udaletik adierazi dutenez, 10:00ak aldera hasi eta eguzkia ezkutatu arte aritu dira lanean Baliarrainen. Atzo arratsaldean azken ukituak eman, eta bukatutzat eman zuten lana.