Asteasuko festen balorazioa egiteko bilera irekia egingo dute uztailaren 8an, 19:00etan ikus-entzunezko gelan. Udalak herritarrak animatu ditu parte hartzera.
Bestalde, galdetegi bat ere zabaldu dute festen balorazioa egiteko. Jai batzordeak jasotako iritzi eta ekarpenak aztertuko ditu eta horietan oinarrituta datozen urteetarako hobekuntzak landuko ditu
Bide batez, Asteasuko Udalak eskerrak eman dizkie sanpedroak aurrera ateratzeko lanean aritu diren guztiei. «Zuen konpromisoari eta egindako lanari esker gozatu ahal izan ditugu beste urte batez jai hauek».