Eguraldi ederrarekin, agian kirolari batzuentzat beroegi, Elizmendiko auzoan jokatu da Asteasuko I. Mendi Duatloia, Anttine elkarteak antolatuta. XV. Euskal Herriko Mendi Duatloi Zirkuituko lehenengo proba izan da, eta gizonezkoetan Josu Urrestarazu (1.25.13) izan da azkarrena, bigarren Paul Bereziartua (1.25.55) eta hirugarren Alberto Gomez del Rio (1.27.56). Eskualdeko azkarrena Aitor San Sebastian zizurkildarra izan da, seigarren postuarekin (1.30.15). Emakumezkoetan Maddi Olaetxeak (1.51.26) irabazi du, bigarren Ainhoa Marquinez (2.00.37) izan da eta hirugarren Nekane Pradera (2.03.24). Guztira lau emakumezko atera dira proba guztia egiteko, baina batek bertan behera utzi du.
Erreleboka Aitor Aizkorbe eta Koldo Herrera izan dira azkarrenak (1.20.21). Bigarren sailkatu dira Jon Aldalur eta Andoni Egiguren bidaniarrak (1.26.58), eta hirugarrenak Unai Esnaola eta Haritz Artano (1.27.15) izan dira.
