Asteasuko Iker Elizegi pilotariak datorren martxoaren 29an jokatuko du bere azken partida Baiko Pilotarekin, Tolosako Beotibarren.
Asteasuarrak 2020an egin zuen debuta Asteasuko Usarrabi pilotalekuan eta ordutik hona ia 150 partida jokatu ditu, azken partida hil honen bukaeran jokatuko duelarik.
2022an, Promozio Mailako Binakako Txapelketako txapeldunorde izan zen, Joanes Bakaikoarekin bikotea osatuz; 8-22 galdu zuten Zabala eta Oier Etxebarriaren aurka.
Baiko Pilotak eskerrak ematen dizkio Elizegiri urte hauetan azaldu duen profesionaltasunagatik, eta etorkizunean zortea izan dezala opa dio.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!