Urte Zaharreko lasterketak prestatzeko aukera bikaina izan da arratsaldean Asteasun, VIII. Elkartasun Krosa egin baitute, El Salvadorreko Segundo Montes komunitateari laguntzeko helburuarekin. Izan ere, gaur bildu duten dirua bertara bideratuko dute. Izaera herrikoieko lasterketa izan ohi da Asteasukoa, eta aurten ere, bertako nahiz inguruko ia 150 lasterkarik parte hartu dute.
Haur, infantil, kadete, jubenil eta senior mailako lasterketak izan dira. Txikienek, 500 metroko ibilbidea osatu dute; infantilek, 2 kilometrokoa; kadeteek, 4 kilometrokoa; eta jubenil eta seniorrek, 6 kilometrokoa.
Ondorengoak izan dira lasterketa bakoitzeko lehen sailkatuak:
Haurrak: Ekhi Altuna eta Laida Irastorza.
Infantilak: Xabat Intsausti eta Bakarne Solaguren.
Kadeteak: Alex Fernandez (15.38). Kadete nesketan ez du inork parte hartu.
Jubenilak: Beñat Fernandez (21.04) eta Aratz Urkola (28.17)
Seniorrak:
Gizonak:
- Jon Zubeldia (19.00)
- Haritz Garin (19.02)
- Axier Mujika (19.20)
Emakumeak:
- Ainhoa Usandizaga (23.48)
- Josune Alberdi (24.51)
- Marina Arsuaga (25.25)