Asteasuko Udalak herrian eskaintzen diren ikastaroen inguruko lanketa egin nahi du eta horretarako, emakumeei zuzendutako inkesta bat sortu du.
Inkesta betetzeko bi bide jarri dituzte aukeran: helbide elektroniko batean sakatu eta galdetegia online betez; edo bestela paperean erantzunez, udaletxean, kultur etxean eta kiroldegian dauden inkestak hartuta. Paperean betetzen diren inkestak urriaren 15a baino lehen entregatu beharko dira.
Asteasuko Udalak herriko emakumeei dei egin die lanketa honetan parte hartzeko, udal ordezkariek esan dutenez, "azken helburua beraiei zuzendutako zerbitzuak hobetzea baita".