Iosu Mujika eta Aitor San Sebastian izan ziren azkarrenak. Mujikak egin zuen Asteasuko plazatik Iturriotzerako bidea bizikletaz eta San Sebastiani eman zion erreleboa Herniora igotzeko.
Bien artean, 51.51ko denbora egin zuten. Saltsa pizteko moduko amaiera izan zuen apustuak, izan ere, Herniora iristen azkena, zortzigarren korrikalaria, hiru minutu eta erdira iritsi baitzen. Tartean helmugaratu ziren gainerakoak.
Bazkaria zegoen jokoan, eta egunean bertan aprobetxatu zuten jokoan zegoena, guztiak batera sagardotegira bazkaltzera joanda.