Baikok bere koadroko zortzi pilotari hauek aukeratu ditu txapela lortzeko asmoarekin: Zubizarreta III-Eskiroz, Larrazabal-Salaverri II, Alberdi-Uriondo eta Bakaikoa II-Elizegi. Helburu berarekin, ASPEk Victor-Gaskue, Zabala-O.Etxebarria, Egiguren V-Untoria eta Salaberria-Erostarbe aurkeztu ditu.
Zazpi jardunaldiko bi itzuli egingo dituzte, orotara hamalau jardunaldi jokatuko dituzte pilotariek sailkapen ligaxkan. Bi bikote onenak zuzenean sailkatuko dira finalerdietara eta hirugarren eta seigarren postuen artean sailkatuek playoffak jokatu beharko dituzte aurrera egin ahal izateko. Final handia martxoaren 27an izango da Labriten.
Erasun, Eskirozen ordezko
Atzo hasi zen Binakako Promozio Mailako Txapelketa, eta Jon Erasun zizurkildarrak Eskiroz ordezkatu zuen. Zubizarreta III.a aurrelari zuela, Erasunek partida irabazi zuen, Alberdi-Uriondo bikoari 18-22 irabazita.