Afizionatuetan maila handiko txapelketak eskuratu zituen Elizegik 2018an eta 2019an. Aurten, ordea, COVID-19a dela-eta sortutako egoerak goranzko joera hori mantsotu egin du, ezin izan baititu berak nahi beste partida jokatu. "Hala ere, Elizegik lanean jarraitu du entrenatzen eta bere errendimendu onaren ondorioz, Baiko Pilotak debutatzeko aukera eskaini dio", azaldu dute enpresatik.
Elizegik afizionatuetan aurreko bi urteetan lortutako txapelak hauek dira: Mallabiako Biharko Izarrak (2019), Goñi Memoriala (2019), Diario Vasco (2018), Muebles Polque (2018) eta Migel Soroaren Oroimenezkoa (2018).