Asteasuarraren abokatuak, Olivier Peter-ek estradizio eskaeraren berri zabaldu zuen sare sozialetan larunbatean eta gogorarazi zuen guardia zibilak torturapean ateratako adierazpenak izan zirela bere aurkako frogak.
Maiatzean deitu zuen Espainiako Auzitegi Nazionalak deklaratzera, baina Txapartegik ez zuen adierazpenik egin, “Espainia-Suitza estatuen arteko jokoan ez sartzeko”. Eskaera berriaren aurrean, jazarpen politikoa salatu eta Suitzak ezin duela konplize izan esan du Olivier Peter-ek.
Bernako Justizia egoitzaren aurrean egin dute gaur elkarretaratzea 12:00etatik 14:00etara. Twitterren zabaldu dituzte irudiak.
