Asteasu Batuz taldea izan da garaile Asteasun. 499 boto jasota, zazpi zinegotzi izango dituzte datozen lau urteetan. EAJk, aldiz, 158 boto eskuratu ditu eta bi zinegotzi edukiko dituzte. PSE-EE zinegotzirik gabe geratu da 19 botorekin. Gainera, 30 boto zuri eta hiru baliogabe ere egon dira. Emaitza horiekin, Maria Pilar Legarra izango da Asteasuko alkatea hurrengo lau urteetan.
Partaidetzari dagokionez, %61,24koa izan da, hau da, duela lau urte baino %1,35 baxuagoa. Orduan ere hiru aukera zituzten asteasuarrek, eta Asteasu Batuz taldea izan zen garaile, 468 botorekin, zazpi zinegotzi lortuta. EAJk, 184 botorekin, bi zinegotzi izan zituen. PSE-EEk, berriz, hamabi boto jaso zituen zinegotzirik gabe geratu zen.