Txikienak protagonista, Simonen baimenarekin

Arratsaldean, Santa Krutz festei hasiera eman diete Asteasuko Elizmendi auzoan. Txupinazoa lehertzearekin batera, elizako kanpandorretik jaitsi da Simon.

Bi eguneko festak ospatuko badituzte ere, hasieran behintzat, haurrak izan dira protagonista Elizmendin. Simonen jaitsierarekin ekin diete Santa Krutzei, eta ondoren, gozokiak jaurti dizkiete kanpandorretik. Kontu handiz ibili behar izan dute haurrek.

Behin gozokiak banatuta, haur jolasei ekin diete. Harrapaketan aritu dira lehenik, eta hontzaren jolasean ondoren. Bitartean, mus txapelketa ere jokatu da, eta ondoren, zezen txikien eta pottoken txanda izango da, trikitilariei txanda eman aurretik. Bihar ere, festa giroa nagusituko da bertan. Hemen ikus daiteke egitarau osoa.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!