Asteasun hondakinen bilketaren inguruan 2018an egindako partaidetza prozesuaren ondorioz sortutako hausnarketaren ondoren, 2019an hainbat aldaketa ari da inplementatzen Asteasuko Udala.
Hondakinen edukiontzi berriak (errefusa eta organikoa) aurreko aste osoan zehar irekita egon dira, eta asteartean, urtarrilak 29, itxiko dira. Hortik aurrera txartela erabili beharko da ontziak irekitzeko. Edukiontziak erabiltzeko txartelak udalak Kale Nagusian jarritako informazio bulegoan har litezke oraindik ere.