Asteasuko Udalak hilero antolatzen du Muskerraren Bidea ezagutzeko bisita gidatu bat. Era berean, bisita gidatuak eska litezke, taldeentzat eta eskolentzat, 943 69 19 07 telefonora deituta edota muskerrarenbidea@gmail.com helbidera idatzita.
Abenduko bisita gidatua hilaren 6an, ostegunez, egingo dute. Prezioa bost eurokoa da, eta prezioaren barruan sartzen dira salda eta pintxoa Asteasuko Iturri-ondo tabernan. Izena emateko, mezua bidali beharko da aipatutako helbide elektronikora.
Bernardo Atxagaren mundu literarioa inspiratu zuen lurraldea erakusten duen bidea da Muskerraren Bidea. Asteasuko herrigunean 2 kilometro inguruko ibilbidea osatzen du, eta adin guztietako pertsonek egiteko egokia da.