'Soinujolearen Semea' filmaren emanaldi berezia, Durangoko Azokan

Durangoko 55. liburu eta disko azokaren egitarauaren barruan, Bernardo Atxagaren eleberrian oinarritutako filmaren emanaldia egingo da, hilaren 8an, larunbatean.

Abenduaren 8an, Soinujolearen Semea filmaren emanaldi berezia egingo dute Durangon. Bertan Bernardo Atxaga bera, filmaren zuzendaria den Fernando Bernues eta hainbat aktore egongo dira.

Emanaldia, euskarazko bertsioan, Zugaza Zineman izango da 12:30ean. Ezinbestekoa da asistentzia baieztatzea, abenduaren 4a baino lehen laura@olaizola.info helbidean. Baieztatuei gonbidapena jasotzeko era azalduko zaie.

Filma, 2019ko udaberrian estreinatuko dute zine aretoetan.