Euskal Herriko Trikitixa Elkarteak urtero argitaratzen duen biografia sailean dago Eleuterio Tapiarena, eta Asteasuko Udalaren laguntzarekin argitaratu du aurtengoa. Abenduaren 1ean, 12:00etan aurkeztuko da udaletxean.
Asteasuko Eleuterio Tapia trikitilariaren biografia jasotzen duen liburua da eta Joxean Agirrek idatzi du. Liburuak Eleuterioren hainbat grabazio jasotzen dituen CDa ere badakar. Era berean, hainbat aipamen egin zaizkio oso gazte hil Juanito Tapiari, Eleuterioren anaiari, hura ere trikitilaria zen.
Aurkezpenaren aurretik, hainbat trikitilari elkartuko dira Iturr-ondo tabernan, 11:00etan, herrian zehar kalejira egiteko. Aurkezpen ekitaldian Pili Legarra alkatea, Agurtzane Elustondo, Euskal Herriko Trikitixa Elkarteko lehendakaria, Joxean Agirre liburuaren egilea eta Juan Tapia, Eleuterioren semea izango dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
