Muskerraren Bidea Bernardo Atxagaren mundu literarioa inspiratu zuen lurraldea erakusten duen bidea da. Asteasuko herrigunean bi kilometro inguruko ibilbidea osatzen du, eta adin guztietako pertsonek egiteko egokia da.
Ibilbidea bera eta horien atzean ezkutatzen diren istorioak ezagutzeko ibilbide gidatua egingo dute azaroaren 1ean. Izen-emateko epea zabalik da dagoeneko.
Ordua: 10:00etan
Abiapuntua: Pello Errota eskola, Elizmendi auzoa
Prezioa: 5€ (prezioaren barruan sartzen da salda eta pintxoa Asteasuko Iturri-ondo tabernan)
Izen-ematea: muskerrarenbidea@gmail.com
Ibilbidea herrigunean amaituko da, eta bertan aparkatzea gomendatu du udalak.