Larunbatean, urriak 20, Asteasuko Iturri-ondo jatetxean izango da finala 21:00etan hasita. Afarirako txartelik gabe geratu direnek 23:00etatik aurrera saioaz gozatzeko aukera izango dute.
Asteasuko Udalak Pello Errotaren heriotzaren mendeurrenaren harira antolatu dituen ekitaldien barruan prestatu du bertso sariketa, Harituz bertsozaleen elkargunearekin batera. 25 urtetik gorako bertsolariei eman nahi izan diete aukera parte hartzeko eta bi kanporaketa saioren ostean, lau bertsolari pasa dira finalera: Beñat Lizaso, Asier Azpiroz, Eneko Lazkoz eta Unai Gaztelumendi.
Iker Iriartek jarriko ditu gaiak larunbateko finalean eta irabazleari txapela janzteaz gainera, Mikaela Elizegi saria emango zaio bertso onena kantatzen duen bertsolariari.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
