Elikagai eta artisau erakustokiekin batera, ganadua ere izango da ikusgai. Esne behien erakustaldia egingo dute, esate baterako, 12:30ean. Horrekin batera, Arroz-esne Lehiaketa izango da eta 11:00etatik aurrera, txekor errea emango dute pintxoetan eta taloak ere izango dira dastatzeko. Herriko trikitilariek ere izango dute partea. Goizean haur eta gazteek kalejira egingo dute, eta arratsaldean helduek erromeria eskainiko dute.
IRAILAK 30, IGANDEA
ASTEASU
(10:00 - 14:00 / 17:00 - 19:30)
10:00. Azoka eta ganadu erakusketaren irekiera.
11:00. Txekor errea. Pintxoak eta taloak.
12:00. Arroz esne lehiaketaren sari banaketa.
12:30. Esne behien erakustaldia.
12:30. Herriko haur eta gazte trikitilarien kalejira.
18:00. Erromeria Asteasuko trikitilariekin.