Mutilen aurrebenjamin mailan, Larrarte-Plaza bikoteak 16-8 irabazi dio Altuna-Zufiria bikoteari. Lau pilotariak Villabonako Behar Zana elkartekoak dira eta partida polita jokatu dute.
Mutilen benjamin mailan ere denak Behar Zana elkartekoak izan dira, eta Zufiria-Galarraga bikoteak irabazi du Otaegi-Lajarraren aurka, 12-16. Oso berdindua izan da finala azken unera arte. Aipatzekoa da txapeldunek final laurdenetan eta finalerdietan ia partida galduta zutenean buelta eman ziotela markagailuari.
Mutilen alebin mailan, Adunako Txulobi elkartekoak izan dira lau finalistak. Iparragirre-Zestau bikoteak 16-13 Zabala-Aristeta bikoteari. Borrokatua izan da partida, eta lauek asko jokatzen badute ere, ez dute bere maila guztia erakutsi, urduritasuna dela eta.
Nesken alebin mailan, Txulobiko Agirre-Tejeria bikoteak Behar Zanako Altuna-Arretxe bikoteari irabazi diote, 7-16. Altuna-Arretxe bikoteak bere lehen urtea zuen palan, eta oso pozik geratu dira egindako lanarekin, Behar Zana elkartetik azaldu dutenez.
Nesken infantil-kadetetan, lau finalistak Asteasuko Atzapar elkartekoak izan dira. Izagirre-Arrieta bikoteak Maiz-Sarasola bikoteari irabazi dio, 16-25. Partida nagusitasunez irabazi dute txapeldunek.
Azkenik, mutilen infantil mailan, Behar Zanako Aranburu anaiek 18-11 irabazi diote Asteasuko Lanzeta-Uitzi bikoteari. Aranburu anaiek partida txukuna egin dute eta nagusi izan dira finalean zehar.