Dagoeneko laugarren edizioa du Santa Zezilia egunaren bueltan Asteasun ospatzen duten Musikarien Egunak. Herriko musikari guztiak biltzen ditu eta urtetik urtera arrakasta gehiago izaten du. Gainera aldi bakoitzean elementu berriren bat edota sorpresaren bat prestatzen dute antolatzaileek.
Aurtengo edizioak gonbidatu berezi bat izango du: Eñaut Elorrieta gernikarra. Ken Zazpi taldeko kantari ezaguna da eta zenbait kantu bakarrik eskainiko ditu eta beste hainbatetan bat egingo du herriko musikariekin.
Estilo aldetik askotarikoa izango da kontzertua, herriko taldeek jorratzen duten musika mota zabalaren erakusle. Hainbat elkarte ariko dira oholtza gainean: txistu taldea, trikitixako ikasleak, Usarrabi abesbatza, Pello Errota ikastolako haurrak eta Inolaz izeneko taldea. Horiei batuko zaizkie instrumenturen bat jotzen duten herritar asko: klarinete, biolin, zeharkako flauta, eskusoinu, tuba, bateria, baxu elektronikoa eta abar luze bat.
Bi euroko ordaindu beharko dira sarreran, ostiraleko emanaldiaz gozatu ahal izateko.