Asteasuko Siemens-Gamesako (Echesa) langileek iraileko azken astean, irailaren 25etik 29ra, greba egingo dutela iragarri dute. LAB eta ELA sindikatuek azaldu dutenez, enpresak langile bat kaleratu du bajan egoteagatik.
Irailaren 14an egin zuen LAB eta ELAk osatutako enpresa batzordeak bilera eta bertan erabaki zuten kaleratutako langilea berriz ere hartzeko mobilizazioak egitea.
Enpresa batzordeak dio onartezina dela "enpresak nahi bezala eta libreki langileak bidaltzeko aukera izatea". Era berean, "borrokatzea" garrantzitsua dela dio, "bai kaleratze honengatik eta baita lantegiko lanpostuak bermatzeko ere".
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?