"Gizartean edozer gauzaren aurrean borrokatu ahal izateko ezagutza behar da"

"Etxeetara edota eskoletara ezagutza iritsi denean izugarrizko babesa nabaritu dugu", azaldu du Abi Labaien Chrysallis elkarteko kideak. Gaia gizarteratzen hasi denetik jende asko joan zaiela interesarekin galdezka azaldu du, eta batez ere adinekoen jarrera positiboak harritu duela, "hasiera batean ezezko jarrera espero baituzu". Maiatzaren 17an, transfobiaren aurkako egunean, argitaratu berri duten haurren transexualitateari buruzko ikus-entzunezkoa zabaltzera gonbidatu dituzte ikastetxe, ludoteka nahiz etxeetan.