Gaur urtebete Nekane Txapartegi atxilotu zuen Suitzako poliziak Zurichen. Gaur eguerdian Bilbon, Suitzako kontsulatu aurrean elkarretaratzea egin dute. 60 lagun bildu dira eta Suitzako kontsulari idatzi bat luzatu diote Txapartegiren egoeraren berri emanaz. Asteasun, ez ohiko batzarra egingo dute udaletxean 19:00etan eta ondoren manifestazioa izango da.
Joan den martxoaren 23an Suitzako Justizia Federalak asteasuarra Espainiaratzeko baimena eman zuen. Suitzan eta Alemanian ere deitu dituzte mobilizazio gehiago gaurko.
Hilabete izango du orain Txapartegiren defentsak estradizio baimenari helegitea jartzeko eta plataformako kideek kartzelan bizi duen egoera "gogorra" salatu dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!