Bai eguerdian Aiztondo bailarako udalerrietako ordezkariek zein arratsaldean egindako ekitaldian dispertsioaren amaiera eskatu dute. Arratsaldean egin den ekitaldian bailarako zazpi presoen senideak izan dira bertan, eta presoen etxeratzea eskatu dute. Nekane Txapartegi Suitzan preso dagoen asteasuarraren gutun bat entzun ahal izan da ere.
Ekitaldiaren aurretik, herri kirol lehia izan da bailarako herriak ordezkatuz parte hartu duten gazte taldeen artean. Ekimenak oraindik aurrera jarraitzen du afariarekin eta ondoren Xabi Solano eta Zigor DZren kontzertuarekin.