Apirilaren 6an atxilotu zuten Zurichen, Espainiako Poliziak eta Suitzako Polizia Federalak elkarlanean eginiko operazio batean. Hasiera batean Zurichen bertan espetxeratu zuten eta Dielsdorfeko kartzelara lekualdatu zuten ekaina hasieran. Orain, berriz, Zuricheko espetxean dute asteasuarra.
Espainiak egindako estradizio eskaera ebatzi gabe du oraindik Suitzak. Txapartegiren abokatuek tortura frogak aurkeztu dituzte eskaeraren aurka egiteko eta hainbat eragilek Txapartegi «nahi duen lekuan eta nahi duen pertsonekin bizitzeko» duen eskubidea aldarrikatu dute azken hilabeteetan.