Kontzerturako programa "Ave Maria" batekin abiatuko da. Kasu honetan Naiara Garmendia eta Olatz Egiburu arituko dira kantari. Ondoren Johan Sebastian Bachen obran oinarrituta Jesusen pasioko pasarte bat eskainiko da. Mirari Irurzun arituko da bibolinarekin eta Paula Iragorri mezzosoprano gisa.
Emanaldia bukatzeko, Giovanni Battista Pergolesiren "Stabat Mater" obra emango dute. Donostiako Santa Maria Parrokiko organujole Ana Belen Garcia arituko da eta Iñaki Carcamok zuzenduko du kontzertua.
Ordubeteko iraupena izango du larunbateko emanaldiak.