Guraso elkarteak egindako eskaera bati erantzunez semaforoa jarriko dute Elizmendi auzoan, eskolarako bidean. Udalak Gipuzkoako Foru Aldundiari egin zion eskera, eta orain gutxi jaso du baiezko erantzuna. Pili Legarra alkateak esan duenez, oraindik ez dakite noiz jarriko duten zehazki, baina udaberrian izan daitekeela esan du.
Instalakuntza Aldundiak ordainduko du, eta udalak berriz, kontsumoa eta mantentze zein artatze lanak, eta oinezkoen joan-etorriekin lotutako gaiak argitzeko errotuluak ordainduko ditu. Udalak herriko irisgarritasuna eta mugikortasun iraunkorra hobetu nahi ditu horrela.