Osaleneko txostenak azaltzen duenez, bi langile AHTarentzat lurra prestatzeko lanetan ari ziren, Hernialdetik Zizurkilerako zatian, azpikontrataturiko enpresa batentzat. Zuhaitzak mozten ari ziren malda handiko lursail batean, eta langileetako bat hil egin zen zuhaitz bat erdibitu zenean bizkarrean jaso zuen kolpearen ondorioz. AHTaren lanen ondorioz hildakoen zerrenda publikoan ez zen ageri heriotza hau orain arte, eta horrekin bada, zazpi dira dagoeneko hildakoak. Gainera, bihotzekoak emanda kamioi gidari bat ere hil zen.
EH Bilduren eskariz Osalanek parlamentura bidalitako txostenak dioenez, AHTren obretan Asteasun, pasa den urteko abuztuaren 7an langile bat hil zen. Orotara, zazpi dira obra horietan bizia galdu duten langileak, eta beste langile batek bizia galdu zuen bihotzeko baten ondorioz.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!