Eibarko jaialdiko bigarren partidan Altuna III.a amezketarrak jokatu du, Barriolarekin bikotea osatuz. Aurkariak Titin III-Tolosa izan dituzte, eta partida lehiatu baten ostean, amezketarrak eta leitzarrak 22-20 irabazi diete errioxarrari eta anoetarrari. Aipatu, Eibarko pilotalekuan jokatzen zuen azken aldia zela Errioxako Titin III.arentzat.
Bi debutariak ez dira bakarrik egon, izan ere, harmailetan eskualdetik joandako zale ugari elkartu dira. Amezketatik hiru autobus joan dira Eibarrera, eta Asteasutik bat, Altuna III.aren eta Urruzolaren urrats garrantzitsuaz gozatzera.
Iñaki Artola alegiarrak, bestalde, larunbatean debutatuko du Tolosako Beotibarren.