24 urte ditu Julen Urruzolak eta debutaren data zehaztu ez badute ere, ekaina bukaeran izango dela aurreratu du Aspek. Asteasuarra Asteasuko pilota eskolan hasi zen, eta Alkizan ibili ondoren, Usurbilekoan aritu da azken sei urteotan: "Esan daiteke bertan egin naizela pilotari".
Aspek nahiz jokalariak azaldu dutenez, "oso kontentu" daude enpresak emandako aukerarekin. "Hiru urte hauetan ahal den guztia ikasi nahi dut" esan du Urruzolak. Datorren astetik aurrera Justo Lillo prestatzailearekin entrenatzen hasiko da, eta profesional mailan debuta egitea San Joanetan egitea aurreikusi du enpresak.