Asteasuko Elizmendi auzoan gaur hasi dira santakrutzak ospatzen, txupinazoaren ostean haurrentzat duatloia izan da. Haurrek lehenengo korrika eta gero bizikletan eman behar izan dituzte auzoan zehar bueltak. Ondoren, haur jolasak eta haurrentzat zezen txikiak eta poneyak ere izan dira. Egunari amaiera emateko herri afaria egingo dute Erretore etxean. Ondoren, erromeria eta goizaldera arte irauten duenak txokolatada dastatzeko aukera ere izango du.
Bihar amaituko dira festak, baina, horretarako lehenago 11:30ean meza izango da Santa Krutz ermitan. Ondoren, berriz, hamaiketako eta herri kirol erakustaldia izango dira. Horrela agurtuko dituzte Elizmendiko santakrutz jaiak Asteasun.
