Inaxio Perurena leitzarra 300 kiloko harri koadroa altxatzen saiatuko da urtarrilaren 20an, igandean, Leitzako Amazabal pilotalekuan. Herri kirol jaialdia 12:30ean hasiko da, eta Perurenak 5 minutu edukiko ditu 300 kiloko harria bizkarrean berdintzeko. Igande honetakoa, pisu horrekin egingo duten hirugarren ahalegina izango da. Lehen saiakera Asteasun egin zuen Perurenak. Harria jaso ondoren, bizkarren berdintzen ari zela, atzera erori eta harri hautsi egin zitzaion. Bigarren saiakera duela hilabete egin zuen, Leitzan, bertan. Harriarekin bi ahalegin egin ondoren, amore eman behar izan zuen.
Hirugarren saiaketa honetan harria bizkarrean berdintzen baldin badu, Inaxio Perurena Gibitegi, Iñaki Perurena eta Mieltxo Saralegiren taldean sartuko litzateke, hau da, 300 kiloko harria jaso dutenen artean.