Anoetako Hirigintza Antolamenduko Plan Orokorraren aldaketarako parte hartze prozesuaren lehen bilera egin zuten joan den astelehenean. Hogei lagun inguru elkartu ziren herriaren etorkizuneko hirigintza diseinatzen laguntzeko. Udalak eskerrak eman dizkie prozesu hau indartzen lagundu dutenei, eta beraien iritzia eman eta proposamenak helarazi zituztenei. «Elkarlanean eta herritarren ahotsa entzunez eraikitzen dugu», esan dute udal ordezkariek.
Asteleheneko bilera joan den azaroan udalbatzak hartutako erabakiaren jarraipena da. HAPOA aldatzeko parte hartzeko programa ezartzea onartu zuten.