Tolosaldeko Gazte Langileok Saretzen egitarauaren barruan Anoetan elkartu dira gaur Ibarrako, Tolosako, Aiztondoko eta Anoeta bertako gazte asanbladak. Frontenis txapelketa egin dute aurrena eta gaztetxea bildu dira ondoren bazkaltzeko.
Oinarriak partekatzen dituzten gazte asanbladen arteko harremanao sustatu eta egitarau bateratuak antolatzea da Saretzen ekimenaren helburua. Aurretik Ibarran mendi martxa antolatu zuten eta gaur elkartu dira Anoetan. Hurrengo hilabeteetan Tolosan eta Aiztondon antolatuko dituzte ekimenak.
Gazte asanbladetako ordezkariek elkar lotzen dituzten oinarriak aipatu dituzte: “Inolako zapalkuntzarik ez onartzea, enpresa eta instituzioetatik kanpo antolatzea eta zapalkuntzarik gabeko gizarte baten alde egitea”.
Gazte belaunaldien politizazioa bultzatzen eta doako aisialdia eskaintzen jarraituko dutela adierazi dute lau gazte asanbladetako kideek.
