Oporrak Bakean programaren barruan, harrera familien etxeetan hilabete pasatxo egongo dira Aljeriako Tindufeko errefuxiatu kanpalekuetatik etorritako ume sahararrak. Saharako 213 ume etorri dira Euskal Herrira, eta horietako 13-k Tolosaldean igaroko dute uda. Ostegun eguerdian iritsi ziren Amarotz auzora, eta atzo Anoetan egin zieten harrera festa.
Harrera familiak ez ezik, beste hainbat herritar bildu ziren festaren bueltan, eta giro ederrean egitarau zabal batez gozatzeko aukera izan zuten; goizean, esaterako, haurrentzako jolasak eta tailerrak izan zituzten; eguerdian, herri bazkaria egin zuten pilotalekuan; eta arratsaldean, berriz, bingoa, musika eta apar festa egin zuten.
Argazkiak: Gregorio Eizagirre.