Xabier Tolosa anoetarra beste bi urtez izango da Aspe enpresako pilotaria, 2025eko bukaera arte. Hitzarmena luzatu dieten beste lau pilotariak Javier Zabala, Xabier Erostarbe, Iñigo Bikuña eta Julen Egiguren dira.
Tolosa da horietatik lehen mailan ari dena. Hain justu, egun Ezkurdiarekin batera Binakako Pilota Txapelketan parte hartzen ari da. Bihar dute txapelketaren 9. jardunaldia, Getarian, Elordi eta Rezustaren aurka. Egun Ezkurdia-Tolosa azken postuan daude sailkapenean, bi partida irabazita.