Buruhandien aurretik korrika, arratsaldeko ekitaldi nagusiaren zain

Josu Artutxa Dorronsoro 2023ko eka. 9a, 15:59

Anoetako festetan Kopruts egunaren biharamuna eta Gazteen egunaren bezpera ospatzen ari dira gaur. Txikienak buruhandien haurretik lasterka ibili dira, eta arratsaldean play-back-a izango dute.

Anoetako festetan bigarren asteburua ospatzen ari dira. Igandean amaituko dira festak, baina aurrez, bada nahikoa ekitaldi jai giroaz gozatzeko. Gaur goizean, esaterako, ume jolasak egin dituzte plazan, Kulki taldearekin, eta jubilatuek toka txapelketa jokatu dute. Eguerdian, buruhandi eta erraldoien txanda iritsi da; kalejira egin dute plazaraino, Loatzo Musika Eskolako trikitilariekin. Behin herriko enparantzara iritsi direnean, haurren atzetik lasterka atera dira; txikienek ederki gozatu dute, eta izan da buruhandia probatu duenik ere.

19:00etan iritsiko da festetako ekitaldi nagusienetako bat: Play-back-a. Urtero, herritar ugarik parte hartzen du, batez ere, haurrek, eta aurten ere, hala izatea espero da. Play-back-aren ordu berean, Kaxaren jolasa egingo dute txosnan, Anoetako Txozna Batzordeak antolatuta. 23:30ean, kontzertuak izango dira plazan: Kai Nakai eta Liher. Eta festa luzatu nahi duenarentzat, 1:00etan, DJ Nazaren txanda izango da txosnan.

Erlazionatuak

2023ko Anoetako jaiak: egitaraua

Tolosaldeko Ataria mai 26 Anoeta

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!