Korputs eguna da gaurkoa, Anoetako festen barruan jai egun handia. Umeen eguna ere badute gaurkoa eta horregatik txikienentzat jolasak antolatu dituzte herriko plazan. Era guztietako jolasak izan dituzte aukeran eta goiza biribiltzeko apar festa antolatu dute. Bainujantziarekin giro beroari aurre egin diote Anoetako haurrek.
Arratsaldean Peru Krokodiloa izeneko ikuskizuna eskainiko dute plazan, Kantu Kolore konpainiako kideek. Segidan, buruhandi eta erraldoien kalejira aterako da kalez kale herriko txistulari taldearekin.
Mozorro eguna da gaur Anoetako festen barruan eta goizean goizetik hainbat gazte atera dira mozorrotuta kalera. Iluntzean jarraituko du festak.
- Ekainak 8, osteguna. Korputs eguna, ume eta mozorro eguna.
*Egun honetan barraken prezioa merkeagoa izango da.
- 17:30. Haur ikuskizuna plazan: Peru Krokodiloa, Kantu Kolore konpainia.
- 19:00. Buruhandi eta erraldoiak txistulariekin.
- 21:00. Herri mugimenduaren aldeko afaria plazan.
- 23:00. Xiberoots musika taldea.
- 00:30. Txosnagunean DJ Fantasia.
