Arriaranen gaur goizean jokatu da IX. Mendi Lasterketa, Xabier Mendizabal zenaren oroimenezkoa. Eguraldi goxoa lagun izan dute bi ibilbideetan (11 eta 23 kilometro) atera diren 171 korrikalariek, baina lokatz handia berehala suertatu zaie oztopo. Pandemiagatik bi urteko etena egin ondoren, gogotsu itzuli dira mendi lasterkariak eta antolatzaileak.
Ibilbide luzean (23 km), emakumezkoen mailan, Oihana Zubillaga anoetarrak irabazi du. Aurkaririk ez du izan, proba ia osoa bakarrik egin baitu. Uxue Barandiaran zegamarra eta Naroa Uria azpeitiarra izan dira bigarren eta hirugarren.
Sailkapena:
1. Oihana Zubillaga (Anoeta), 2:27:40
2. Uxua Barandiaran (Zegama), 2:40:18
3. Naroa Uria (Azpeitia), 2:45:31