Anoetako anbulatorioko erabiltzaileek eta langileek zerbitzuan ikusten dituzten gabeziak gainditzeko ahalegina egingo du Anoetako EH Bilduk. Azken bi urte hauetan "gogor" astindu duen COVID 19aren gaitzak, oraindik ere ageriago utzi ditu, koalizioaren ustez, zerbitzuaren lehendik ere antzematen dituzten "hutsune eta gabeziak".
Herriko anbulatorioaren kudeaketa ez dago Anoetako Udalaren esku, baina erabiltzaile eta langileek iritzi eta ekarpenak bildu nahi ditu EH Bilduk, gero ateratako ondorioak anbulatorioaren kudeaketaren ardura dutenen esku uzteko.
Iritziak biltzeko, galdeketa zabaldu du Anoetako EH Bilduk. Inkesta bete, gutun-azal batean sartu eta udaletxeko buzoian uzteko eskera luzatu diete herritarrei. Jasotzen dituzten erantzunen ondorioen berri emateko, eta aurrez aurre ekarpenak jasotzeko, bilera bat egingo duten udaletxean, otsailaren 23an, asteazkenarekin, 18:00etatik aurrera.