Hilabete osoko egitaraua antolatu du Anoetako Gazte Asanbladak, gaztetxearen urteurrena ospatzeko. Orain arteko ekitaldiak arrakastatsuak izan dira eta egitaraua ixteko beste bi hitzordu iragarri dituzte.
- Maiatzak 13, osteguna. 18:00etan Anoetako Gaztetxean Askapenako kideek Internazionalistak garelako, lehen urratsa Euskal Herria hitzaldia emango dute.
- Maiatzak 14, ostirala. 18:30ean Anoetako Gaztetxean Serge bakarlariak kontzertua eskainiko du. Langileek sarreran 3 euro ordaindu beharko dituzte eta langabetuek euro bat.
Anoetako Gaztetxean espazio berriak atondu dituzte eta horiek erakutsiz hasi zituzten urtemuga ospatzeko ekitaldiak. Egitaraua ixteko antolatutako emanaldietan parte hartzera gonbidatu dituzte herritarrak.