"Elkar zaintzeko neurriak hartuta, herritar guztiok kulturaz gozatzeko aukera izan behar dugula uste dugu", esan dute gazte asanbladako kideek.
Larunbatean, azaroak 14, 17:30ean Anoetako plazan izango dira kontzertuak. Elkar zaintzeko neurri guztiak hartuko dituztela jakinarazi dute. Distantziak mantendu eta musukoak eraman beharko dira. "Herritarrok kulturaz gozatzeko eskubidea izan behar dugu. Kulturaz gozatzea elkar zaintzea ere bada".
Herritarrak gonbidatu dituzte, larunbatean, Mihise eta Ameba taldeen kontzertuetara gerturatzeko.